黃子華致富職場金句

文章 購物

黃子華致富職場金句

瀏覽：21519

黃子華致富職場金句
黃子華咁多句關於投資致富職場既金句，真係句句到肉，你最有共鳴係邊句？

1. 點解你嘅人生咁失敗？因為睡眠並不致富啊。



2. 最無風險嘅事係等死，你一定等到！

3. 人類嘅食物鏈簡單好多，只有三種。最下層係無產，中層係中產，頂層係ｘ家產！係絕無不敬的成分，因爲頂層的人唔係房產，權產就係遺產，名符其實冚家都係產，所以我哋好多時叫冚家產會加乜嘢？冚家富貴。

4. 一日，你地一定會買股票，你緊係會話你唔會咁蠢買股票，我細個夠話大個唔同女仔玩啦，而家咪俾女仔玩囉﹗

5. 男人發咗達以後，女人會對男人講：「哎呀好囉，老公，你發咗達，就有時間返來陪我睇大長今！」男人講：「我發咗達係為咗返來陪你睇大長今咩？係為咗可以捉大長今返來陪我呀！」

6. 如果你冇夢想，就會畀有夢想嘅人逼死你。比如你嘅夢想系一個月換一份工，仲有邊個老細可以炒到你？

7. 唔好用你嘅豬頭黎挑戰我嘅磚頭。

8. 錢唔係問題，問題係冇錢



9. 無論個世道幾唔好,呢個社會有一個人永遠係對你有信心嘅，嗰個就係稅局啦，永遠要你預繳。

10. 依家肥已經係一個道德上嘅問題，你點解咁肥?因為你食得太多，多過你需要嘅，換言之你係度浪費緊，你係度浪費緊咩?地球上嘅資源囉，換言之你係唔環保嘅，所以你咪就系唔道德囉！

11. 對於廿幾歲的年輕人，帶佢哋追尋理想而不計回報，算唔算教壞細路？

12. 如果，我喺好有錢嘅時候買法拉利，這算得咩？有錢嘅時候，佢只係一件玩具，冇錢嘅時候，佢才係真正嘅超級跑車！

13. 曾在最窮嘅時候買咗一部法拉利，只為咗證明，自己即使做一件沒有能力做嘅事情也不會死。

14. 你只需擁有一層 500 呎嘅樓，閣下就係富豪。依家唔買，遲啲要做 300 呎富豪，再遲啲係 100 呎富豪。

15. 人類嘅終極理想都係不勞而獲，你呢種態度呢係一個好正常人嘅態度來架 ...

16. 我哋人類嘅智慧，而家係唔能夠明白人類點樣可能得到第一躉樓。但係好彩我哋有牛頓，牛頓第八定律話左畀我哋聽，大家記住啊好緊要啊呢個定律嚇，就係有樓有樓，冇樓冇樓，有樓可以變冇樓，冇樓就永世都冇樓啦。

17. 而家一躉五百呎嘅樓就值五百萬，一躉五百萬嘅樓就屬於豪宅。換而言之你只需要擁有一躉五百呎嘅樓，閣下就係富豪。一躉五百呎嘅樓差唔多已經係最細嘅樓，如果五百呎你都買唔起，你差唔多註定呢一世都要瞓街。世界上有邊個社會好似香港咁犀利，你一係做富豪，一係就瞓街。幾勵志咧，係唔係？(編按：這是 1994 年的情況)

18. 每當我哋最絕望嘅時候，佢就畀我哋聽一首音樂，呢首音樂 (六合彩開獎音樂) 能夠起死回生，救贖萬民，一聽呢首音樂，即刻充滿希望。我覺得咁啊真係證明左香港真係一個法治唔係人治嘅地方，願六合彩常與你們同在。

19. 玩股票好似賭馬咁，我覺得股市有得分析嘅咩？以前我哋香港個市呢有啲人就叫做大鱷，搞亂曬等你冇得分析，而家冇大鱷啊，而家啲叫大摩，摩根史丹尼，佢話要個市升就升要個市跌就跌，好似玩魔術咁樣啊。有啲人話我聽，摩根史丹尼嘅真名就叫做大衛高柏菲，你識唔識得點樣分析大衛高柏菲點樣變走個躉嘢啊？我就唔識啊。

20. 朋友問你借錢為什麼？為了周轉嘛！但周轉分為自轉和公轉，當佢問你借錢嘅時候係自轉，自轉需要幾耐？一日！一日就能問你借到手。當你要佢還錢嘅時候就係公轉，公轉要幾耐？一年？我所謂的公轉唔係太陽繞著地球公轉，係整個太陽系繞著不知道叫什麼系嘅轉，咁到底要轉到幾時？轉到黑洞發光囉！

21. 你借錢給朋友，你會認識到社會的黑暗；你不借錢給朋友，你就會認識到自己的黑暗。

22. 世界好簡單，人類好複雜

23. 講得出『我好鍾意返工』呢句說話嘅人，一定係鬼上身。

24. 而家香港人生仔可以冇老婆，但唔可以冇菲傭。

25. 點解公司要出糧給我？唔係因為公司得到了什麼，而係我喪失了什麼，所以嚴格來說，你每個月底給我的唔係糧，而係賠償。

26. 老闆畀份人工你，一半係畀你做嘢嘅，一半係畀你受氣嘅！
猜你可能會喜歡：

瀏覽：28371
致所有不會說話的人
瀏覽：4721
沒本事的人多半喜歡這 3 件事
瀏覽：2645
別人說這四件事時，你千萬不要多嘴


返回主頁

@ 2019-2024
最後更新：2024-04-25
文章數：5407 / 閱讀量：52273362