今日終於第一次喺巴士度瀨屎…

文章 購物

今日終於第一次喺巴士度瀨屎…

瀏覽：4665

今日終於第一次喺巴士度瀨屎…
網友在 Facebook 群組分享他的乘巴士經驗

今日終於第一次喺巴士度瀨屎….

首先同我坐隔離嘅哥哥講聲唔好意思，亦好多謝你體諒。

是咁的，

今日起身個肚已經有d唔妥，

出門前都去咗廁所坐左陣，痾左一兩粒硬屎。

其實仲feel到個肚滾滾地，

但要返工，所以都係頂硬上去搭車

上咗車一陣開始又有一種若隱若現就快大爆發嘅感覺。

我即刻二話不說㩒鐘落車，

落完車又好似冇咁急。

講到呢度，大家都覺得我係運吉，

但其實資深忍屎人都知，真正大爆發嘅先兆係一波波咁嚟，當你一放鬆就會缺堤。

仲有就係，記住記住，

坐長途車前，一有急屎嘅先兆就好趁早搵廁所坐坐先，呢啲嘢冇得搏。

言歸正傳，我痾完之後落去搭車嗰陣，等咗陣車又有少少急，

但今次真係搏一搏，再唔上車就遲大到，逼於無奈上車。

上車後都係間歇性急屎，

隔咗一陣終於轉車站！

今日終於第一次喺巴士度瀨屎…


係一個中途站，但與此同時我做咗一個令我今次瀨屎嘅決定，

就係唔落車去廁所，而係再搏一搏。

呢個情況無疑係等於拆炸彈嗰陣揀剪紅線定藍線嘅情況，

你只有50/50機會，而一失足就成屎人！

最後，過咗轉車站幾分鐘後，我終於迎來歷年來忍屎績嘅滑鐵盧。

先講返少少臨屎前嘅心路歷程，

就係去到真係忍唔住個下，

我開始覺得其實肚痾瀨屎都唔係咩醜事，

有頭髮邊個想做熾哥，

咁真係忍唔到都冇計。

我臨瀨之前趁冇人睇到，

抽左幾張temple塞落個屎忽，

呢下其實要訓練，如果唔係會封唔住個屎流，此乃number one。

之後就係要提前通知你隔離嗰位乘客，我知道好難開口，

所以我用手機開safari打左幾個字：

「我就快瀨屎，唔好意思」

雖然佢睇完之後眉頭一皺，

但之後佢show咗個 OK 手勢俾我，比咗我好大信心。多謝你。

上咗高速公路中途，佢仲特意為我落去下層，用呢個奇怪行為幫我掩護，我諗佢係想幫我轉移視線，就算一陣啲人聞到屎味，都會以為係佢瀨。

最後，不幸中之大幸係，只有少數乘客冇戴耳機而留意到我啲肚痾咕咕聲。

而紙巾都由於我冇練習過，所以唔係太幫到手，最後座位都係有d屎水留出，而大部分固體狀就留咗係條褲入面。

最後都係忠告返

急屎唔好忍 見廁所就去

結果吸引清潔龍阿德回應

1. btw 記得洗手

2. Come on bro 下次去公廁啦，我地翻新緊，D公廁靚仔咗好多啦

今日終於第一次喺巴士度瀨屎…


其他網友回應：

1. 瀨左屎試吓唔好炆丫。

2. 其實肚痛真係好慘， 忍屎真係好辛苦

3. 用真acc出 .. 佩服你既勇氣

4. 可唔可以 寫埋下集
猜你可能會喜歡：

瀏覽：56061
賣淫外傭姐姐公審港男不付肉金
瀏覽：6461
終於都出了 ... 金莎朱古力雪糕！
瀏覽：3755
一道小學數學題 看香港教育制度


返回主頁

@ 2019-2024
最後更新：2024-04-25
文章數：5408 / 閱讀量：52276839